کاکاؤ

کاکاؤ ایک پودا ہے جو گرم علاقوں میں اگتا ہے۔کاکاؤ کے پودے کی بلندی 8سے10 میٹر تک ہوتی ہے۔ یہ کافی حد تک چیری کے پودے سے ملتا ہے۔ کاکاؤ (Cacao) کے پتے بیضوی شکل کے ہوتے ہیں۔ اس کی لکڑی سرخ رنگ کی ہوتی ہے۔ یہ سارا سال پھل دیتا ہے۔ کاکاؤ کے دانے پھلیوں میں ہوتے ہیں پھر یہ زرد یا سرخ رنگ کے ہوجاتے ہیں۔ ان کے دانوں کو ایک خاص ترتیب سے خشک کیا جاتا ہے۔ خشک ہونے کے بعد ان کا رنگ قہوہ جیسا ہوجاتا ہے۔ دانوں کو کافی کی طرح بودیتے ہیں، کوٹتے اور نرم کرتے ہیں۔ اس پاؤڈر کو دودھ یا ابلتے ہوئے پانی سے ملاکر پیتے ہیں۔ کاکاؤ چاکلیٹ بنانے، کئی دواؤں اور کئی مقوی شربتوں میں استعمال ہوتا ہے۔